Latest News

sch

සිසුන් ඇතුළත්කිරීමේ ක්‍රියාවලිය තුළ විනිවිදභාවය තහවුරු කරමින්, 2019 වසරේ ජාතික පාසල් අතරමැදි ශ්‍රේණි සඳහා සිසුන් ඇතුළත් කිරීමට අධ්‍යාපන අමාත්‍යවරයාගෙන් උපදෙස්

පාසල්වලට දරුවන් ඇතුළත් කිරීම සම්බන්ධයෙන් නොකඩවා අධ්‍යාපන අමාත්‍යාංශය වෙත දිනපතා විශාල ඉල්ලීම් ප්‍රමාණයක් යොමු වෙනවා. එහෙත් පාසල්වල පවත්නා පුරප්පාඩු සහ චක්‍රලේඛ උපදෙස් සැලකිල්ලට ගනිමින්, පන්තියක සිටිය යුතු උපරිම ශිෂ්‍ය සංඛ්‍යාව අනුව සිසුන් ඇතුළත් කිරීමේ කටයුතු සිදුකිරීමේ දී බොහෝ ඉල්ලීම් ඉටු කිරීමට සාධාරණ හැකියාවක් නොපවතින අතර, මේ තත්වය පිළිබඳ නිසි අවබෝධයක් නොමැතිකමින්, දිනපතා අමාත්‍යාංශය වෙත පැමිණීමෙන් දරුවාට පාසලක් ලැබේයැයි විශ්වාස කරමින් දෙමව්පියන් නිරන්තරයෙන් අධ්‍යාපන අමාත්‍යාංශය වෙත පැමිණෙන අතර, දිගුකලක් තිස්සේ අධ්‍යාපන පද්ධතිය තුළ නොවිසඳුණු මෙම ගැටළුව කෙරෙහි අධ්‍යාපන අමාත්‍ය අකිල විරාජ් කාරියවසම් මහතා සිය පූර්ණ අවධානය යොමු කර තිබේ.

Read more ...

spo

අභියෝග ජයගනිමින් ගත් තවත් අධ්‍යාපන තීන්දුවක් පලදරමින් ජාත්‍යන්තර හෝ ජාතික තලයේ ක්‍රීඩාකුසලතා සහිත ක්‍රීඩා පුහුණුකරුවන් පාසල් පද්ධතියට...

ක්‍රියාශීලී දරුපරපුරක් පාසල් පද්ධතිය තුළ ගොඩනැඟීමේ ක්‍රියාවලියට දායකත්වය සපයමින් පාසල් ක්‍රීඩා ක්ෂේත්‍රය නගාසිටුවීම වෙනුවෙන් ප්‍රායෝගික ව කටයුතු කළ හැකි ක්‍රීඩා පුහුණුකරුවන් 502 දෙනෙකුට අද පත්වීම් ලබාදෙනු ලැබීය. ඒ අධ්‍යාපන අමාත්‍ය, නීතීඥ අකිල විරාජ් කාරියවසම් මහතාගේ ප්‍රධානත්වයෙනි. ඊයේ (02) මහරගම ජාතික අධ්‍යාපන විද්‍යාපීඨ ශ්‍රවනාගාරයේ මෙම පත්වීම් ප්‍රදානෝත්සවය පැවැත්වුණි.

ක්‍රීඩා පුහුණුකරුවන් බඳවාගැනීමේ වැඩපිළිවෙළ අදියර දෙකක් යටතේ ක්‍රියාත්මක වූ අතර, අද ක්‍රියාත්මක වූයේ, එහි දෙවැනි අදියරයි. ඒ අනුව, එකවර පාසල් පද්ධතියට ක්‍රීඩා පුහුණුකරුවන් 3888ක් මුදාහැරෙනුයේ ඉතිහාසයේ පළමු අවස්ථාවටයි.

මෙසේ ක්‍රීඩා පුහුණුකරුවන් ලෙස බඳවාගන්නා ලද්දේ, ජාත්‍යන්තර හෝ ජාතික තලයේ සුවිශේෂ දක්ෂතා දක්වන ලද ක්‍රීඩකයින් ලෙස ප්‍රායෝගික අත්දැකීම් ලබා ඇති අයයි. විභාග සුදුසුකම් මත සිදුකරන සාම්ප්‍රදායික බඳවාගැනීමේ ක්‍රමවේදයට ඉදිරිගාමී පියවරක් එක් කරමින් ක්‍රීඩාව ප්‍රායෝගික ව හුරුව සිටින අයගෙන් රටේ පාසල් දරුවන්ට ක්‍රීඩා පුහුණුව ලබාදීමට ගත් අභියෝගාත්මක ප්‍රයත්නයක් ඉටු වූ අවස්ථාවක් ලෙස තමා ඉතා සතුටට පත්වන බව අධ්‍යාපන අමාත්‍ය අකිල විරාජ් කාරියවසම් මහතා මෙම බඳවාගැනීම් සම්බන්ධ ව සිය අදහස් පළ කරමින් කියාසිටියා.

Read more ...

spc

රාජ්‍ය මුද්‍රණ නීතිගත සංස්ථාවේ අභ්‍යාස පොත් සියයට 30 වට්ටමක මිල දී ගතහැකි නව අලෙවිහලක් ඉසුරුපායේ විවෘතයි.

රාජ්‍ය මුද්‍රණ නීතිගත සංස්ථාවේ අභ්‍යාස පොත් ඇතුලු නිෂ්පාදන අඩු මිලට ලබා ගත හැකි අලෙවිහලක් අධ්‍යාපන අමාත්‍යාංශයේ පිහිටි පැලවත්ත ඉසුරුපාය ගොඩනැගිල්ලේ දී අධ්‍යාපන අමාත්‍ය නීතිඥ අකිල විරාජ් කාරියවසම් මහතා අතින් ඉකුත් දා විවෘත විය.

සංස්ථාවේ අභ්‍යාස පොත් සියයට 30 ක වට්ටමකින් මෙහි දි මිලට ගතහැකි බව අධ්‍යාපන අමාත්‍ය නීතිඥ අකිල විරාජ් කාරියවසම් මහතා අලෙවිහල විවෘත කිරීමේ අවස්ථාවේ දී ප්‍රකාශ කළේය.

ඉසුරුපායෙහි කාර්යමණ්ඩලයට මෙන් ම පැලවත්ත අවට පාරිභෝගිකයන්ට සංස්ථාවේ උසස්ම තත්ත්වයේ නිපැයුම් මිලට ගතහැකි පහසුකම් ලබාදීම මේ අලෙවිහළ විවෘත කිරීමේ අරමුණ බව ද අමාත්‍යවරයා පැවසුවේය.

Read more ...

vav

‘වැවර්ලි’ අන්තර්ජාතික පාසල් නෙට්බෝල් ශූරතාවලියට ශ්‍රී ලංකාව නියෝජනය කරමින් සහභාගී වන ක්‍රීඩිකාවන්ට අධ්‍යාපන ඇමති අතින් ගුවන්ටිකට් පත්

ඕස්ට්‍රේලියාවේ මෙල්බර්න් නුවර දී පැවැත්විමට නියමිත ‘වැවර්ලි’ අන්තර්ජාතික පාසල් නෙට්බෝල් ශූරතාවලිය සඳහා ශ්‍රි ලංකාව නියෝජනය කරමින් පාසල් ක්‍රීඩිකාවන් 12 දෙනෙකු සහභාගී වීමට නියමිතව තිබේ.

ශ්‍රී ලංකා පාසල් නෙට්බෝල් සංගමය මගින් පාසල් අතරින් තෝරා ගන්නා ලද මෙම ක්‍රිඩිකාවන් සහ ඔවුන් භාර ව මෙම තරගාවලියට සහභාගී වන ගුරුමහත්ම මහත්මීන් පස් දෙනෙකු වෙත අදාළ ගුවන් ටිකට් පත් පිරිනැමීම පසුගියදා අධ්‍යාපන අමාත්‍ය නීතිඥ අකිල විරාජ් කාරියවසම් මහතාගේ ප්‍රධානත්වයෙන් සිදුකෙරුණි.

Read more ...

25 1

අධ්‍යාපන ක්ෂේත්‍රයට විප්ලවීය ප්‍රවේශයක් ලබාදෙමින් පාසල් සිසුන්ට ටැබ් පරිගණක ලබාදීමට හැකිවීම අප ලැබූ ඓතිහාසික ජයග්‍රහණයක් - අධ්‍යාපන අමාත්‍ය නීතීඥ අකිල විරාජ් කාරියවසම්

අධ්‍යාපන ක්ෂේත්‍රය තුළට විප්ලවීය ප්‍රවේශයක් ලබාදෙමින්, තවත් ඓතිහාසික ජයග්‍රහණයක් සනිටුහන් කරමින් ශ්‍රී ලංකාවේ පාසල් සිසුන්ට ටැබ් පරිගණක ලබාදීමේ අධ්‍යාපන අමාත්‍යාංශ වැඩපිළිවෙළට ඊයේ (25) කැබිනට් මණ්ඩලයේ අනුමැතිය හිමි වූ බව අධ්‍යාපන අමාත්‍ය අකිල විරාජ් කාරියවසම් මහතා ප්‍රකාශ කළේය. මෙය මෑතකාලීන අධ්‍යාපන ක්ෂේත්‍රයේ සුවිශිෂ්ට ජයග්‍රහණයක් බවත්, එය සිසු දරුදැරියන්, ගුරුභවතුන්, දෙමව්පියන් ඇතුළු අධ්‍යාපන ක්ෂේත්‍රයේ නිරත සියලු පාර්ශවයන්ට අතිශයින් සතුටට පත්විය හැකි මොහොතක් බවත්, අමාත්‍යවරයා සදහන් කළේය.

Read more ...

edu prin

අධ්‍යාපනයේ ප්‍රමිතිය හා ගුණාත්මකභාවය ඉහළ නැංවීමේ අරමුණින් ගත් ඓතිහාසික සහ විප්ලවීය තීන්දුවක් ක්‍රියාවට නංවමින් ජාතික අධ්‍යාපන පනත කරලියට...

අනාගත මානව සම්පත් නිර්මාණය කිරීම වෙනුවෙන් සැබෑ පිටුබලයක් ලබාදෙන, ඉහළ ගුණාත්මක බවින් යුත් අධ්‍යාපන ප්‍රතිපත්තිමය ක්‍රියාමාර්ග ඇතුළත්, තිරසාර නව ජාතික අධ්‍යාපන පනතක් සකස්කිරීමට දේශපාලන නායකත්වය ලබාදීමට තමන්ට හැකිවීම පිළිබඳ සතුටට පත් වන බව අධ්‍යාපන අමාත්‍ය නීතීඥ අකිල විරාජ් කාරියවසම් මහතා පවසයි.

අධ්‍යාපන අමාත්‍යවරයාගේ උපදෙස් හා මඟපෙන්වීම් අනුව අලුතින් සකස් කරන ලද ජාතික අධ්‍යාපන පනත් කෙටුම්පත ඊයේ (20) අවසන් සංස්කරණ සහ සමාලෝචනය සඳහා එළිදක්වනු ලැබු අතර, එහි දී අමාත්‍යවරයා මේ අදහස් පළ කළේය.

Read more ...

3K1A9719

‘‘ශිෂ්‍යත්වය සහ සාමාන්‍ය පෙළ විභාග සඳහා ශ්‍රේණි ලබාදීම නතර කරනවා’’ - අධ්‍යාපන අමාත්‍ය, නීතීඥ අකිල විරාජ් කාරියවසම්

දියුණු අධ්‍යාපනයක් පවතින රටවල කඩඉම් විභාග පැවැත්වීමට ප්‍රමුඛතාව ලබා නොදෙන බවත්, ඉදිරියේ දී මෙරට අධ්‍යාපන පද්ධතිය තුළ ද පහේ ශිෂ්‍යත්ව සහ අ.පො.ස සාමාන්‍ය පෙළ විභාග සඳහා සමත් අසමත් භාවය මිස ලංකාවෙන් ම පළමුවැනියා, දෙවැනියා, තෙවැනියා ආදී වශයෙන් ලකුණු පදනම් කරගනිමින් ශ්‍රේණි ලබාදීමක් සිදු නොකරන බවත් අධ්‍යාපන අමාත්‍ය අකිල විරාජ් කාරියවසම් මහතා පවසයි.

අමාත්‍යවරයා මේ අදහස් පළ කළේ, පහසුකම් සපිරි පාසල් පද්ධතියක් රට තුළ නිර්මාණය කිරීම වෙනුවෙන් රුපියල් මිලියන 64000ක ආයෝජනයෙන් මෙරට අධ්‍යාපන පද්ධතිය තුළ වර්තමානයේ ක්‍රියාවට නැංවෙන විශාලත ම ව්‍යාපෘතියක් වන ළඟම පාසල හොඳම පාසල ව්‍යාපෘති ආධාර යටතේ

Read more ...

sp min

“කුමන බාධා පැමිණියත් ක්‍රීඩා ක්ෂේත්‍රයේ උන්නතිය වෙනුවෙන් සැබෑ දක්ෂයින් බඳවා ගැනීමට ක්‍රියා කළා” -අධ්‍යාපන අමාත්‍ය අකිල විරාජ් කාරියවසම් මහතා

සාමාන්‍ය පෙළ, උසස් පෙළ අධ්‍යාපන මට්ටමින් ඉහළ ප්‍රතිඵල ලබා ගත් අය පමණක් නොව ජාත්‍යන්තර, ජාතික හා පළාත් මට්ටමේ ජයග්‍රහණ ලබාගත් ක්‍රීඩා පිටියේ දක්ෂයන් පාසල් ක්‍රීඩාව නංවාලීම සඳහා බඳවා ගැනීමට ප්‍රමුඛත්වය ලබා දුන් බව කුරුණෑගල මලියදේව විද්‍යාලයේ දී පසුගියදා පැවැති පාසල් ක්‍රීඩා පුහුණුකරුවන් 548 දෙනෙකු සේවාරම්භක පුහුණුව නිමා කර විසිර යෑමේ පත්වීම් ප්‍රදානෝත්සවය අමතමින් අධ්‍යාපන අමාත්‍ය අකිල විරාජ් කාරියවසම් මහතා පැවසීය.

මෙහිදී අදහස් දැක්වූ අමාත්‍යවරයා, පාසල් ක්‍රීඩා පුහුණුකරුවන් 3880 ක් බඳවා ගැනීමේ දී බලපෑම් රාශියක් එල්ල වූ බවත්, මෙම ක්‍රීඩා පුහුණුකරු පුරප්පාඩු පිරවීමේ දී පළාත් සභා කිහිපයක එකඟතාව නොමැති වීම මත, පළාත් සභාවලට එම පුහුණුකරුවන් අනුයුක්ත කර නොගැනීම හා වැටුප් ලබාදීම යනාදී ගැටලු රැසක් මතු වූ බවත්, සමාජ මාධ්‍ය ජාලා මෙන්ම ඇතැම් පුද්ගලයන් අභූත චෝදනා, මඩ ප්‍රහාර එල්ල කළ ද කෙසේ හෝ ක්‍රීඩාවේ උන්නතිය වෙනුවෙන් මෙම බඳවා ගැනීම් අධ්‍යාපන අමාත්‍යාංශය යටතේ සිදු කිරීමට හැකි වීම සතුටට කරුණක් බව ද ප්‍රකාශ කළේය.

Read more ...

on x

ඉතිහාසයේ පළමු වරට සාමාන්‍ය පෙළ සහ උසස් පෙළ විභාග සහතික පත් online ක්‍රමයට නිකුත් කිරීම අරඹයි

ශ්‍රී ලංකා විභාග දෙපාර්තමේන්තුව මගින් නිකුත් කරනු ලබන අධ්‍යයන පොදු සහතික පත්‍ර සාමාන්‍ය පෙළ සහ උසස් පෙළ විභාග සහතික පත් ලබාගැනීමට මේ වනතෙක් සිදුකෙරුණේ, විභාග දෙපාර්තමේන්තුව වෙත පැමිණ අයදුම්කිරීම් මතයි.

මෙහි දී අයදුම්කරුවන්ට දිවයිනේ කවර ප්‍රදේශයක සිට හෝ විභාග දෙපාර්තමේන්තුව වෙත පැමිණීමට සිදුවීම, දිනපතා අයදුම්කරුවන් විශාල පිරිසක් පැමිණීම හේතුවෙන් සහතික පත් නිකුත් කිරීමේ ක්‍රියාවලිය වෙනුවෙන් වැඩි කාලයක් ගතවීම වැනි ගැටළු මතුව තිබුණි. මේ තත්වයට පැහැදිලි විසඳුමක් ලබාදෙමින් ඩිජිටල් තාක්ෂණයේ සහාය මේ සඳහා ලබාගැනීමට අධ්‍යාපන අමාත්‍ය අකිල විරාජ් කාරියවසම් මහතාගේ උපදෙස් පරිදි මේ වනවිට වැඩපිළිවෙළක් ක්‍රියාවට නංවා තිබේ.

Read more ...

security

‘පාසල්වල ආරක්ෂාව සම්බන්ධයෙන් මව්පියන් කැඳවීම තවදුරටත් නොකළ යුතුයි’ - අධ්‍යාපන ලේකම්වරයාගෙන් නිවේදනයක්

පාසල්වල ආරක්ෂාව සම්බන්ධයෙන් ආරක්ෂක අංශ විසින් ක්‍රියාත්මක කර ඇති වැඩපිළිවෙළ තවදුරටත් ක්‍රියාත්මකව පවතින බැවින් සහ මේ වනවිට රටේ ආරක්ෂාව සම්බන්ධයෙන් යහපත් වාතාවරණයක් පවතින බැවින් පාසල්වල ආරක්ෂාව සඳහා මව්පියන් සම්බන්ධ කරගැනීම තවදුරටත් අවශ්‍ය නොවන බව අධ්‍යාපන අමාත්‍යාංශය සඳහන් කරයි.

අධ්‍යාපන අමාත්‍යාංශයේ ලේකම්වරයා විසින් මේ සම්බන්ධ ව සියලු පළාත් ප්‍රධාන ලේකම්වරුන්, පළාත් අධ්‍යාපන ලේකම්වරුන්, පළාත් අධ්‍යාපන අධ්‍යක්ෂවරුන්, කලාප අධ්‍යාපන අධ්‍යක්ෂවරුන්, කොට්ඨාස භාර නියෝජ්‍ය හා සහකාර අධ්‍යක්ෂවරුන් හා සියලු ම පාසල් ප්‍රධානීන් වෙත නිවේදනයක් මගින් දැනුවත් කර තිබේ.