Latest News

books

“රට තුළ කියවීම් ප්‍රවර්ධනයට ගත හැකි සෑම පියවරක් ම ගතයුතුයි. ශ්‍රී ලංකා ජාතික ග්‍රන්ථ සංවර්ධන මණ්ඩලය ව්‍යවස්ථාපිත ආයතනයක් ලෙස පිහිටුවීමට අවශ්‍ය කැබිනට් අනුමැතිය ලබාගැනීමට ද ඉදිරියේ දී කටයුතු කරනවා.” - අධ්‍යාපන අමාත්‍ය අකිල විරාජ් කාරියවසම්

දරුවන් තුළ මෙන්ම ගුරුවරුන් තුළ ද, ඒ හරහා සමස්ත සමාජය තුළ ද කියවීම් රුචිය වැඩිදියුණු කිරීම වෙනුවෙන් හැකි සෑම පියවරක් ම ගන්නා ලෙසත්, කියවීමට සුදුසු ගුණාත්මක පොත් බිහිකිරීම සහ ගුණාත්මක පොත් නිවැරදිව හඳුනාගැනීම වෙනුවෙන් පුරෝගාමී ව කටයුතු කරන ලෙසත් අධ්‍යාපන අමාත්‍ය අකිල විරාජ් කාරියවසම් මහතා ශ්‍රී ලංකා ජාතික ග්‍රන්ථ සංවර්ධන මණ්ඩලය වෙත උපදෙස් ලබාදුන්නේය.

ඒ, පසුගියදා (31) අධ්‍යාපන අමාත්‍යවරයාගේ ප්‍රධානත්වයෙන් අධ්‍යාපන අමාත්‍යාංශයේ පැවති ශ්‍රී ලංකා ජාතික ග්‍රන්ථ සංවර්ධන මණ්ඩලයේ පළමු සභා රැස්වීමට එක්වෙමිනි. ශ්‍රී ලංකා ජාතික ග්‍රන්ථ සංවර්ධන මණ්ඩලය 2012 වසරේ දී එවකට පැවති රජය විසින් කැබිනට් තීරණයක් මත අහෝසි කර තිබුණු අතර, අධ්‍යාපන අමාත්‍ය අකිල විරාජ් කාරියවසම් මහතාගේ මැදිහත්වීමෙන් එය වසර හයකට පසු නැවතත් ස්ථාපිත කිරීමට කැබිනට් අනුමැතිය ලැබී තිබේ.

Read more ...

school chil

ජාතික පාසල්වල පළමු වසරට ළමුන් ඇතුළත් කිරීමේ දී සිදු වූ බව පැවසෙන අසාධාරණයන් පිළබඳ සෙවීමට කමිටුවක්

2019 වසරේ ජාතික පාසල් සඳහා පළමු වන ශ්‍රේණියට සිසුන් ඇතුළත් කිරිමේ දි අසාධාරණ සිදුව ඇති බවට අධ්‍යාපන අමාත්‍යාංශය වෙත ලැබී ඇති පැමිණිලි පරික්ෂා කිරීම සඳහා කමිටුවක් පත්කරන ලෙස අධ්‍යාපන අමාත්‍ය අකිල විරාජ් කාරියවසම් මහතා අද (2019.02.05) අධ්‍යාපන අමාත්‍යාංශ ලේකම් පද්මසිරි ජයමාන්න මහතාට උපදෙස් ලබා දුන්නේය.

ඒ අනුව අධ්‍යාපන අමාත්‍යාංශ ලේකම් පද්මසිරි ජයමාන්න මහතා විසින් අධ්‍යාපන අමාත්‍යාංශයේ අතිරේක ලේකම් හේමන්ත ප්‍රේමතිලක මහතාගේ සහාපතීත්වයෙන් යුත් ත්‍රිපුද්ගල කමිටුවක් පත්කර තිබේ. එහි සෙසු සාමාජිකයින් වන්නේ පාසල් කටයුතු අධ්‍යක්ෂ කමණී පෙරේරා මහත්මිය සහ අධ්‍යාපන අමාත්‍යාංශයේ විනය විමර්ශන ශාඛාවේ ජ්‍යෙෂ්ඨ සහකාර ලේකම් චමනී වික්‍රමතිලක මහත්මියයි.

Read more ...

clas

“පන්ති කාමරයක සිටිය යුතු උපරිම ශිෂ්‍ය සංඛ්‍යා සීමාව ඉක්මවා නොයා යුතුයි ” - අධ්‍යාපන අමාත්‍ය අකිල විරාජ් කාරියවසම්

2021 වර්ෂය වන විට එක් පන්ති කාමරයක සිටිය යුතු උපරිම ශිෂ්‍ය සංඛ්‍යාව 35 ක් විය යුතු බවට වන ප්‍රතිපත්තිමය තීරණය අනුව මෙම වසරේ දී පාසල්වල පළමු ශ්‍රේණියේ එක් පන්තියක සිටිය යුතු උපරිම සිසුන් සංඛ්‍යාව 37 ක් විය යුතු බව අධ්‍යාපන අමාත්‍ය අකිල විරාජ් කාරියවසම් මහතා පැවසුවේය.

ඇතැම් පාසල්වල දේශපාලනික හේතු සහ වෙනත් විවිධ හේතූන් මුල් කරගනිමින් එම තත්වයන් ඒ අයුරින් ම තවමත් ක්‍රියාත්මක නොවන බවට වාර්තා වී ඇති බව පැවසූ අමාත්‍යවරයා  ජාතික මට්ටමින් ලබාදෙන තීන්දු තීරණ වෙනස් කිරීමට හෝ ක්‍රියාත්මක නොකර සිටීමට කිසිවකුට හැකියාවක් නොමැති බව ද අවධාරණය ක‍ළේය.

අධ්‍යාපන අමාත්‍යවරයා ‍මේ අදහස් පළ කළේ, ළඟම පාසල හොඳම පාසල ව්‍යාපෘති ආධාර යටතේ පසුගිය දා කුලියාපිටිය කිලින්පොල ප්‍රාථමික විද්‍යාලයේ අභිනවයෙන් ඉදිකළ ප්‍රාථමික ඉගෙනුම් සම්පත් මධ්‍යස්ථානය සිසු අයිතියට පත්කිරීම වෙනුවෙන් පැවති උත්සව අවස්ථාවට එක්වෙමිනි.

Read more ...

kul

දැවැන්ත සංවර්ධන යෝජනා ක්‍රියාත්මක කිරීමට බාධා පැමිණියත් අධ්‍යාපන පද්ධතිය තුළ කැපී පෙනෙන වෙනස්කම් සිදු කළා. - අධ්‍යාපන අමාත්‍ය අකිල විරාජ් කාරියවසම්

ශීඝ්‍රයෙන් වෙනස්වෙමින් පවතින නවීන ලෝකයට උචිත පරිදි අධ්‍යාපන පද්ධතිය යාවත්කාලීන කරමින් ජනතාවට ප්‍රතිලාභ අත්පත්කර දීමට පැවති ජාතික ආණ්ඩුවේ කැබිනට් මණ්ඩලයට ඉදිරිපත් කළ බොහෝ සංවර්ධන යෝජනා එහි සිටි ඇතැම් පුද්ගලයින්ගේ බාධාකිරීම් හමුවේ සැලසුම් කළ මට්ටමින් ක්‍රියාත්මක කිරීමට නොහැකි වූ බව අධ්‍යාපන අමාත්‍ය අකිල විරාජ් කාරියවසම් මහතා පැවසුවේය.

මීට අමතරව රටේ සංවර්ධනය වෙනුවෙන් ඉදිරිපත් කළ වෙනත් දැවැන්ත සංවර්ධන ව්‍යාපෘති ද සැලසුම් කළ පරිදි ඉටුකිරීමට මෙම පුද්ගලයින් බාධා කළ බැවින් අපේක්ෂිත සංවර්ධන ඉලක්ක කරා යාමට අපහසු වූ බව අමාත්‍යවරයා සඳහන් කරන ලදී.

Read more ...

13 1

උසස් පෙළ වෘත්තීය විෂය ධාරාව ඉගැන්වීමට නවක ගුරුවරුන් 123ක් අධ්‍යාපන පද්ධතියට...

“වේගයෙන් පුහුණු කළ හැකි මානව සම්පතක් අපට තිබුණත් වෘත්තීකයින් බිහිකිරීම ප්‍රමාණවත් නැහැ, එම හිඩැස පිරවීම රජයේ අරමුණයි” - අධ්‍යාපන අමාත්‍ය අකිල විරාජ් කාරියවසම්

වේගයෙන් පුහුණු කළ හැකි හොඳ මානව සම්පතක් අප සතුව පවතින නමුත් තවමත් අපේ රට තුළ වෘත්තීකයින් බිහිකිරීමේ ප්‍රවණතාව ප්‍රමාණවත් නොවන බවත්, එකිනෙකාගේ දක්ෂතා අනුව විවිධ ක්ෂේත්‍රවලින් ඉදිරියට යා හැකි වෘත්තීකයින් බිහිකිරීම ඉලක්ක කරගනිමින් අධ්‍යාපනය යාවත්කාලීන කළ යුතු බවත් , 13 වසරක සහතික කළ අධ්‍යාපන වැඩසටහන යටතේ වෘත්තීය විෂය ධාරාවක් හැදෑරීමේ අවස්ථාව මෙරට දරුවන්ට ලබාදීමට තමා පියවර ගත්තේ එම ඉලක්ක ජයගැනීම වෙනුවෙන් බවත් අධ්‍යාපන අමාත්‍ය අකිල විරාජ් කාරියවසම් මහතා පවසයි.

අමාත්‍යවරයා මේ අදහස් පළ කළේ, 13 වසරක සහතික කරන ලද අධ්‍යාපන වැඩසටහන යටතේ ජාතික හා පළාත් පාසල්වල උසස් පෙළ වෘත්තීය විෂය ධාරාව ඉගැන්වීම සඳහා ශ්‍රී ලංකා ගුරුසේවයේ 3-1 ශ්‍රේණියට බඳවාගත් ගුරුවරුන් 123 දෙනෙකු වෙත පත්වීම් ප්‍රදානය කිරීම වෙනුවෙන් අද (31) අධ්‍යාපන අමාත්‍යාංශයේ පැවති නිල උත්සව අවස්ථාවට එක්වෙමිනි.

Read more ...