Latest News

cms

කෝට්ටේ ජනාධිපති විද්‍යාලයේ නව පිහිනුම් තටාකය සිසු අයිතියට...

ළඟම පාසල හොඳම පාසල ව්‍යාපෘති ආධාර යටතේ කෝට්ටේ ජනාධිපති විද්‍යාලයේ අභිනවයෙන් ඉදිකරන ලද පිහිනුම් තටාකය ඊයේ (12) අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් විද්‍යාල පරිශ්‍රයේ දී සිසු අයිතියට පත්කෙරුණි.

අධ්‍යාපන අමාත්‍ය අකිල විරාජ් කාරියවසම් මහතාගේ සංකල්පයක් අනුව ක්‍රියාත්මකවන ළඟම පාසල හොඳම පාසල ව්‍යාපෘතිය මෙරට පාසල් පද්ධතිය භෞතික හා මානව සම්පත් සමඟ සංවර්ධනය කරමින් රටේ සියලු දරුවන් ට සාධාරණ වූත් ගුණාත්මකවූත් අධ්‍යාපන අවස්ථා ළඟා කරදීම වෙනුවෙන් මෙතෙක් ක්‍රියාත්මක ව ඇති විශාලත ම ව්‍යාපෘතියයි.

Read more ...

vishoda

නිදහස් අධ්‍යාපනයේ උන්නතිය වෙනුවෙන් ලබාදුන් තවත් පොරොන්දුවක් ඉටු කරමින් කුරුණෑගල විශ්වෝදා විද්‍යාලය හෙට (13) සිසු අයිතියට...

කුරුණෑගල මගුරුඔයවත්තේ අභිනවයෙන් ඉදිකරන ලද විශ්වෝදා විද්‍යාලය නිල වශයෙන් විවෘත කිරීමේ උත්සවය ගරු අධ්‍යාපන අමාත්‍ය අකිල විරාජ් කාරියවසම් මැතිතුමන්ගේ මඟපෙන්වීමෙන්, ගරු ප්‍රවාහන රාජ්‍ය අමාත්‍ය අශෝක් අබේසිංහ මැතිතුමන්ගේ ආරාධනයෙන් ගරු අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් හෙට (13) සිදුකිරීමට නියමිතය.

ශ්‍රී ලංකාවේ ජන ඝනත්වය වැඩි දිස්ත්‍රික්ක අතරට එක්ව ඇති කුරුණෑගල දිස්ත්‍රික්කයේ පාසල් සඳහා වන සිසු ජනගහණය ද සාපේක්ෂව ඉහළ අගයක් ගන්නා අතර එම ඉල්ලුම සපුරාලීමට පවත්නා පාසල් සංඛ්‍යාව ප්‍රමාණවත් නොවීම හේතුවෙන් මගුරුඔයවත්ත ප්‍රදේශයේ මෙම පාසල ඉදිකිරීමට පියවර ගෙන තිබේ.

Read more ...

sch

චක්‍රලේඛ විකෘති කරමින් ඇතැම් වෘත්තීය සමිති සිසුන් සහ මාපියන් නොමග යවමින් නිර්ලජ්ජිත උත්සාහයක...

පාසල්වලට මුදල් එක්රැස් කිරීම සම්බන්ධයෙන් බලය පැවරී තිබූ 26/2018 චක්‍රලේඛය වහාම අවලංගු කිරීමට අධ්‍යාපන අමාත්‍යවරයා පසුගිය 29 වැනි දා පියවර ගනු ලැබීය.

එම චක්‍රලේඛයේ දුර්වලතා හේතුවෙන් මවුපියන්ගෙන් මුදල් එක් රැස්කිරීමේ අනිසි බලතල විවිධ පාර්ශවයන්ට ලැබී තිබීම හේතුවෙන් මෙහි ඇති ගැටළුකාරී තත්වයන් පිළිබඳ අධ්‍යාපන ක්ෂේත්‍රයට සම්බන්ධ වෘත්තීය සමිති කිහිපයක් අදහස් පළ කර තිබුණි.

කෙසේ වෙතත් මෙම චක්‍ර ලේඛය අවලංගු කිරීමත් සමඟ පාසල්වල ප්‍රමාණාත්මක, ව්‍යූහාත්මක සහ සැලසුම්කරණ ක්‍රියාවලිය සම්බන්ධයෙන් ද යම් යම් බාධා මතුවීම හේතුවෙන් පැවති දුර්වලතාවන්ට පිළියම් යොදමින් මවුපියන්ගෙන් මුදල් එක්රැස් කිරීමේ දී ඔවුන් වෙත අනවශ්‍ය බරක් නොපැටවෙන ලෙස එම චක්‍රලේඛය නැවත සකස් කිරීමට අමාත්‍යවරයා උපදෙස් ලබාදී තිබුණි.

Read more ...

tab

උසස් පෙළ සිසුන්ට ටැබ් පරිගණක ලබාදීමේ වැඩසටහන සූදානම් ...

උසස් පෙළ සිසුන්ට ටැබ් පරිගණක ලබාදීම සඳහා දීප ව්‍යාප්ත මට්ටමින් වැඩසටහනක් ක්‍රියාත්මක කිරීමට අධ්‍යාපන අමාත්‍ය අකිල විරාජ් කාරියවසම් මහතාගේ උපදෙස් මත අධ්‍යාපන අමාත්‍යාංශය සැලසුම් කර තිබේ.

ඒ අනුව අදාළ ව්‍යාපෘතිය උසස් පෙළ සිසුන් ඉලක්ක කර ගනිමින් 1AB ,කාණ්ඩයේ සියලු පාසැල්වල ක්‍රියාත්මක කිරීමට අද පැවති අමාත්‍ය මණ්ඩල රැස්වීමේ දී එකඟතාව පළ වී තිබේ.

නුතන අධ්‍යාපනයේ විශ්වීය අවශ්‍යතාවන්ට ගැළපෙන ආකාරයෙන් පාසල් අධ්‍යාපනය සකස් කිරීමේ රජයේ වැඩපිළිවෙළ යටතේ ටැබ් පරිගණක ලබා දීමේ වැඩසටහන ක්‍රියාත්මක කිරීමට සැලසුම් කර තිබේ. ඒ සඳහා ප්‍රමුඛතාව ලබා දෙමින් මුදල් වෙන් කිරීමට මුදල් අමාත්‍ය මංගල සමරවීර මහතා ද මහතා ද එකඟතාව පළ කර තිබේ.

Read more ...

oly

2016 හා 2017 අ.පො.ස ( උසස් පෙළ) ප්‍රතිඵල මත ජාතික අධ්‍යාපන විද්‍යාපීඨවලට ශික්ෂණලාභීන් ඇතුලත් කිරීම - 2018

2016 හා 2017 අ.පො.ස.(උ.පෙ) ප්‍රතිඵල මත 2018 වර්ෂය සඳහා ජාතික අධ්‍යාපන විද්‍යාපීඨවලට ශික්ෂණලාභීන් බඳවා ගැනීමට අදාළව මාර්ගගත ක්‍රමවේදය (Online System) ඔස්සේ අයදුම් කිරිම ද 2019.01.25 දින ගැසට් නිවේදනය තුල අනිවාර්ය කර ඇත.

එහෙත් මාර්ගගත ප්‍රවේශයේ දී බොහෝ අයදුම්කරුවන්ට ඊට ප්‍රවේශවීමේ අපහසුතා පැන නැගී ඇති බව වාර්තා වේ.

ඒ අනුව මාර්ගගත ක්‍රමවේදය ඔස්සේ අයදුම් කිරීමට හැකි වූ හෝ නොහැකි වු හෝ සියලුම අයදුම්කරුවන් ගැසට් නිවේදනයේ සඳහන් වන පරිදි නිසි උපදෙස් අනුකූලව විධිමත්ව සකස් කරන ලද අයදුම්පත්‍රයක් 2019.02.15 දින හෝ ඊට පෙර හෝ ලියාපදිංචි තැපෑලෙන් නියමිත ලිපිනයට යොමු කිරීම අනිවාර්යය වේ.

ලියාපදිංචි තැපෑලෙන් අයදුම්පතක් යොමු නොකරනු ලබන අයදුම්කරුවන් සම්බන්ධයෙන් අධ්‍යාපන අමාත්‍යාංශය කිසිදු වගකීමක් දරනු නොලැබේ.

More Articles ...