Latest News

school chil

“දරුවන් සහ ඔවුන්ගේ අධ්‍යාපනය යොදා ගෙන පටු දේශපාලන අරමුණු ඉටු කරගන්නට කිසිවෙකුටත් ඉඩ තබන්නේ නෑ...” - අධ්‍යාපන අමාත්‍ය අකිල විරාජ් කාරියවසම්

ආණ්ඩුව දේශපාලන වාසි බලාගෙන ජාතික පාසල්වල අතරමැදි ශ්‍රේණිවලට සිසුන් 48,000ක් ඇතුළත් කරගෙන ඇති බවට පාර්ලිමේන්තු මන්ත්‍රී බන්දුල ගුණවර්ධන මහතා විසින් සිදුකරන ලද ප්‍රකාශයක් ඊයේ සහ අද දිනයන්හි මාධ්‍ය කිහිපයක වාර්තා කර ඇති ප්‍රවෘත්තිය කෙරෙහි අධ්‍යාපන අමාත්‍ය, නීතිඥ අකිල විරාජ් කාරියවසම් මහතාගේ අවධානය යොමුව තිබේ.

මෙම ප්‍රකාශය සම්පූර්ණයෙන් ම ප්‍රතික්ෂේප කරමින් අධ්‍යාපන අමාත්‍යවරයා පෙන්වා දෙන්නේ, දරුවන් සහ ඔවුන්ගේ අධ්‍යාපනය යොදාගෙන පටු දේශපාලන අරමුණු ඉටු කරගන්නට තමන් කිසිවෙකුටත් ඉඩ නොතබන අතර, අදාළ ප්‍රවෘත්තියෙහි සඳහන් කර ඇති අයුරින් ජාතික පාසල්වලට දරුවන් ඇතුළත් කිරීමේ දී එවැනි දේශපාලන වාසි ලබාගැනීමේ අරමුණක් තමාට කිසිසේත් ම නොතිබූ බවයි.

Read more ...

school chil

“දරුවන් සහ ඔවුන්ගේ අධ්‍යාපනය යොදා ගෙන පටු දේශපාලන අරමුණු ඉටු කරගන්නට කිසිවෙකුටත් ඉඩ තබන්නේ නෑ...” - අධ්‍යාපන අමාත්‍ය අකිල විරාජ් කාරියවසම්

ආණ්ඩුව දේශපාලන වාසි බලාගෙන ජාතික පාසල්වල අතරමැදි ශ්‍රේණිවලට සිසුන් 48,000ක් ඇතුළත් කරගෙන ඇති බවට පාර්ලිමේන්තු මන්ත්‍රී බන්දුල ගුණවර්ධන මහතා විසින් සිදුකරන ලද ප්‍රකාශයක් ඊයේ සහ අද දිනයන්හි මාධ්‍ය කිහිපයක වාර්තා කර ඇති ප්‍රවෘත්තිය කෙරෙහි අධ්‍යාපන අමාත්‍ය, නීතිඥ අකිල විරාජ් කාරියවසම් මහතාගේ අවධානය යොමුව තිබේ.

මෙම ප්‍රකාශය සම්පූර්ණයෙන් ම ප්‍රතික්ෂේප කරමින් අධ්‍යාපන අමාත්‍යවරයා පෙන්වා දෙන්නේ, දරුවන් සහ ඔවුන්ගේ අධ්‍යාපනය යොදාගෙන පටු දේශපාලන අරමුණු ඉටු කරගන්නට තමන් කිසිවෙකුටත් ඉඩ නොතබන අතර, අදාළ ප්‍රවෘත්තියෙහි සඳහන් කර ඇති අයුරින් ජාතික පාසල්වලට දරුවන් ඇතුළත් කිරීමේ දී එවැනි දේශපාලන වාසි ලබාගැනීමේ අරමුණක් තමාට කිසිසේත් ම නොතිබූ බවයි.

Read more ...

teacher

විදේශ භාෂා ඉගැන්වීම පාසල් මට්ටමින් ප්‍රචලිත කිරීමට පුළුල් ඉඩ ප්‍රස්ථා සැලසෙයි. ඒ වෙනුවෙන් ශ්‍රී ලංකා ගුරු සේවයට නවක ගුරුවරුන් 729ක්..

රජයේ පාසල්වල විදේශ භාෂා ඉගැන්වීම වෙනුවෙන් ශ්‍රී ලංකා ගුරු සේවා ව්‍යවස්ථාව අනුව උපාධිධාරී ගුරුවරුන් 729ක් අලුතින් බඳවාගැනීමට අධ්‍යාපන අමාත්‍යාංශය පියවර ගෙන ඇත.

මෙරට පාසල් අධ්‍යාපන පද්ධතිය තුළ විදේශ භාෂා ඉගැන්වීමේ අවස්ථා පුළුල් කිරීම සදහා පාසල් විෂය මාලාව තුළ විදේශ භාෂා ඉගෙනීම ප්‍රචලිත කිරීම, විදේශ භාෂා උගන්වන පාසල් සංඛ්‍යාව ඉහළ නැංවීම, දැනටමත් පාසල් තුළ ස්ථාපිත කර ඇති භාෂා විද්‍යාගාර ඵලදායී ලෙස භාවිත කිරීමට ඉඩප්‍රස්ථා සලසාදීම, භාෂා සම්බන්ධයෙන් තෘතීයික අධ්‍යාපන අවස්ථා වෙත සිසුන් යොමුකරවීම ඇතුළු අරමුණු රැසක් මුල්කරගනිමින් අධ්‍යාපන අමාත්‍ය, නීතිඥ අකිල විරාජ් කාරියවසම් මහතා විසින් මේ සම්බන්ධව 2019/ED/E/08 දරන අමාත්‍ය මණ්ඩල සංදේශයක් ඉදිරිපත් කරන ලද අතර, ඊට අදාළ අමාත්‍ය මණ්ඩල තීරණය හා කළමනාකරණ සේවා දෙපාර්තමේන්තුවේ අනුමැතිය මේ වනවිට ලැබී තිබේ.

Read more ...

three-1

සමස්ත ලංකා පාසල් ක්‍රීඩා - 2019

අධ්‍යාපන අමාත්‍යාංශය මගින් 35 වන වරට සංවිධානය කරනු ලබන සමස්ත ලංකා පාසල් ක්‍රීඩා තරගාවලියේ සමාරම්භක උත්සවය 2019 ඔක්තෝබර් මස 30 වැනිදා පෙ.ව. 09.00 ට කොළඹ සුගතදාස ක්‍රීඩාංගනයේ දී පැවැත්වේ.

පාසල් ක්‍රීඩක ක්‍රීඩිකාවන් 5000 කට ආසන්න පිරිසකගේ සහභාගිත්වයෙන් පැවැත්වෙන සමස්ත ලංකා පාසල් ක්‍රීඩා තරගාවලියේ මලල ක්‍රීඩා තරග, 2019 ඔක්තෝබර් මස 30, 31 සහ නොවැම්බර් මස 1, 2, 3 දිනයන් හි පැවැත්වෙන අතර මෙහි සමාප්ති උත්සවය 2019 නොවැම්බර් මස 03 වන දින ප.ව. 2.30 ට සුගතදාස ක්‍රීඩාංගනයේ දී පැවැත්වේ.

teacher

රජයේ පාසල්වල විදේශ භාෂා ඉගැන්වීම සඳහා උපාධිධාරී ගුරුවරුන් බඳවාගැනීමට අනුමැතිය

රජයේ පාසල්වල විදේශ භාෂා ඉගැන්වීම වෙනුවෙන් උපාධිධාරී ගුරුවරුන් බඳවා ගැනීම සඳහා අධ්‍යාපන අමාත්‍ය, නීතීඥ අකිල විරාජ් කාරියවසම් මහතා විසින් ඉදිරිපත් කරන ලද කැබිනට් පත්‍රිකාවට අනුමැතිය ලැබී තිබේ.

මෙරට පාසල් අධ්‍යාපන පද්ධතිය තුළ විදේශ භාෂා ඉගැන්වීමේ අවස්ථා පුළුල් කිරීම සදහා පාසල් විෂය මාලාව තුළ විදේශ භාෂා ඉගෙනීම ප්‍රචලිත කිරීම, විදේශ භාෂා උගන්වන පාසල් සංඛ්‍යාව ඉහළ නැංවීම, දැනටමත් පාසල් තුළ ස්ථාපිත කර ඇති භාෂා විද්‍යාගාර ඵලදායී ලෙස භාවිත කිරීමට ඉඩප්‍රස්ථා සලසාදීම, භාෂා සම්බන්ධයෙන් තෘතීයික අධ්‍යාපන අවස්ථා වෙත සිසුන් යොමුකරවීම මෙම ගුරුවරුන් බඳවාගැනීමේ අරමුණු අතර වේ.

Read more ...

schol

පහ ශ්‍රේණි ශිෂ්‍යත්ව විභාගයට පෙනී සිටි විශේෂ අවශ්‍යතා සහිත දරුවන් 250කට ශිෂ්‍යාධාර

2019 වසරේ අගෝස්තු මස පැවැත්වූ පහ ශ්‍රේණි ශිෂ්‍යත්ව විභාගයට පෙනී සිටි විශේෂ අවශ්‍යතා සහිත සිසුන් 250කට ශිෂ්‍යාධාර ලබාදීමට අධ්‍යාපන අමාත්‍යාංශය විසින් පියවර ගෙන ඇත.

පසුගිය වර්ෂය තෙක් සිසුන් 15,000 කට පමණක් පහ ශ්‍රේණි ශිෂ්‍යාධාර හිමිව තිබූ අතර එය මේ වර්ෂයේ සිට 20,000 තෙක් ඉහළ නැංවීමට අදාළ කැබිනට් අනුමැතිය මේ වනවිට ලැබී ඇති අතර, එම ශිෂ්‍ය සංඛ්‍යාව අතරින් සිසුන් 19,750ක් ශිෂ්‍යාධාර පිරිනැමීම සඳහා තෝරා ගැනෙනුයේ පහ ශ්‍රේණි ශිෂ්‍යත්ව විභාගයට ලබාගන්නා ලකුණු පදනම් කරගනිමිනි.

Read more ...

138

පාසල් තුළ ආරක්ෂාව මුල් කරගනිමින් සිදුකරන අවස්ථාවාදී දේශපාලන ප්‍රෝඪාවන්ට නොරැවටෙන්න

පාසලක සිටින සියලු සිසුදරුවන්ගේ භාරකාරත්වය හා ආරක්ෂාව සම්බන්ධ පූර්ණ වගකීම විදුහල්පති හා සමස්ත කාර්ය මණ්ඩලය වෙත පැවරෙන බැවින් පාසල් පරිශ්‍රය තුළ ආරක්ෂාව තහවුරු කිරීම සඳහා ගත යුතු ක්‍රියාමාර්ග පිළිබඳ උපදෙස් අධ්‍යාපන අමාත්‍යාංශය විසින් පාසල් ප්‍රධානීන් වෙත මේ වනවිටත් ලබා දී ඇත.

මාතර දිස්ත්‍රික්කයේ පළාත් සභා පාසල් තුළ විදුහල්පතිවරුන් දෙමව්පියන් කැඳවා ආරක්ෂාව සම්බන්ධයෙන් පියවර ගැනීමට ඊයේ (22) දිනයේ දී කටයුතු කිරීම සම්බන්ධව අනාවරණය වූ තොරතුර කෙරෙහි අධ්‍යාපන අමාත්‍යාංශයේ අවධානය යොමු වූ අතර, ආරක්ෂාව මුල් කරගනිමින් ඇතැම් පාර්ශවකරුවන් විසින් සිදුකරනු ලබන දේශපාලන ප්‍රෝඪාවන්ට නොරැවටෙන ලෙසත්, සිසු දරුවන්ගේ ආරක්ෂාව සම්බන්ධ කාරණයේ දී වගකීමෙන් හා විචාරශීලී ව කටයුතු කරන ලෙසත් අධ්‍යාපන අමාත්‍යාංශය අවධාරණය කරයි.

Read more ...

ncoe new

ජාතික අධ්‍යාපන විද්‍යාපීඨවල පහසුකම් පුළුල් කරමින් ප්‍රථමවරට එකවර සිසුන් 8,000ක් බඳවාගැනීම් සිදුකෙරේ

ජාතික අධ්‍යාපන විද්‍යාපීඨවලට ශික්ෂණ විද්‍යා ඩිප්ලෝමාව හැදෑරීම සඳහා 2016 සහ 2017 වර්ෂයන්හි උසස් පෙළ ප්‍රතිඵල මත කණ්ඩායම් දෙකක් යටතේ සිසුන් 8,000ක් බඳවාගැනීමට අධ්‍යාපන අමාත්‍ය, නීතීඥ අකිල විරාජ් කාරියවසම් මහතාගේ උපදෙස් අනුව පියවර ගෙන තිබේ.

ඒ අනුව දිවයින පුරා පිහිටි ජාතික අධ්‍යාපන විද්‍යාපීඨ 19ක් වෙත මෙම සිසුන් ඇතුළත් කරගැනීමේ කටයුතු ඔක්තෝබර් මස 3 වැනි දින සිට ආරම්භ කෙරිණි. නිට්ටඹුව සාරිපුත්ත, මඩකලපුව, අඩ්ඩාලච්චේන ජාතික අධ්‍යාපන විද්‍යාපීඨයට සිසුන් ඇතුළත් කරගැනී‍්‍ම ඔක්තෝබර් මස 03 වැනි දින සිදුකෙරුණු අතර, මහවැලි, සියනෑ, රුවන්පුර, සහ පේරාදෙනිය විද්‍යාපීඨ සදහා ඔක්තෝබර් 15 වැනි දින සිසුන් ඇතුළත් කරගන්නා ලදී. එමෙන් ම වව්නියා, යාපනය, දර්ගා ටවුන් සහ ශ්‍රී පාද ජාතික අධ්‍යාපන විද්‍යාපීඨ සඳහා ඔක්තෝබර් 16 දින  ද, මහරගම සහ ඌව ජාතික අධ්‍යාපන විද්‍යාපීඨ සඳහා ඔක්තෝබර් 17 දින ද  සිසුන් ඇතුළත් කරගන්නා ලදී.

Read more ...

13

13 වසරක සහතික කළ අධ්‍යාපන වැඩසටහනේ දෙවැනි අදියර යටතේ බඳවාගත් සිසුන් 288කට ආයතනික හා රැකියාගත පුහුණුව ලබාදීමට ආයතන 36ක් එක්වෙයි

දහතුන් වසරක සහතික කරන ලද අධ්‍යාපන වැඩසටහනෙහි දෙවැනි අදියර යටතේ උසස් පෙළ වෘත්තීය විෂය ධාරාව හැදෑරීම සඳහා බඳවාගත් සිසුන් 6,341ක් අතරින් මෙතෙක් ආයතනික හා රැකියාගත පුහුණුව සඳහා යොමු නොකළ සිසුන් 288ක් නිපුනතා ආංශික සංවර්ධන වැඩසටහන යටතේ ලියාපදිංචිය ලද රාජ්‍ය හා පෞද්ගලික වෘත්තීය පුහුණු ආයතන වෙත පුහුණුව සඳහා යොමු කිරීම සම්බන්ධ විශේෂ හමුවක් පසුගිය දා (15) අධ්‍යාපන අමාත්‍යාංශයේ දී පැවැත්විණි.

අධ්‍යාපන අමාත්‍ය, නීතීඥ අකිල විරාජ් කාරියවසම් මැතිතුමන්ගේ උපදෙස් මත නිපුනතා සංවර්ධන හා වෘත්තීය පුහුණු අමාත්‍යාංශය යටතේ ජාතික වෘත්තීය ප්‍රවීණතා සහතිකය (NVQ Level 4) ලබාදිය හැකි ESOFT, Don Bosco, Lanka Ashok Layland, Pebbles Academy, ඉදිකිරීම් කර්මාන්ත සංවර්ධන අධිකාරිය(CIDA), වයඹ සංවර්ධන අධිකාරිය ඇතුළු වෘත්තීය පුහුණු ආයතන 36ක ජ්‍යෙෂ්ඨ නිලධාරීන් සහ අධ්‍යාපන අමාත්‍යාංශයේ විෂය භාර ජ්‍යෙෂ්ඨ නිලධාරීන් අතර මෙම විශේෂ හමුව පැවැත්විණි.

Read more ...

ta

සිංහල සාහිත්‍යය පොත් දෙමළ භාෂාවටත් දෙමළ පොත් සිංහල භාෂාවටත් පරිවර්තනය කර ප්‍රකාශයට පත් කිරීමේ නව වැඩපිළිවෙලක්, - අධ්‍යාපන අමාත්‍ය නීතිඥ අකිල විරාජ් කාරියවසම්

සිංහල ලේඛකයන්ගේ සාහිත්‍ය කෘති දෙමළ භාෂාවට හා දෙමළ ලේඛකයන්ගේ කෘති සිංහල භාෂාවටත් පරිවර්තනය කොට පුස්තකාල හා ප්‍රලේඛන සේවා මණ්ඩලය මගින් ප්‍රකාශයට පත් කිරීමේ නව වැඩපිළිවෙලක් ආරම්භ කිරීමට තීරණය කරන ලද බව අධ්‍යාපන අමාත්‍ය නීතිඥ අකිල විරාජ් කාරියවසම් මහතා ප්‍රකාශ කරයි.

අමාත්‍යතුමා එසේ ප්‍රකාශ කළේ, ළඟම පාසල හොඳම පාසල ව්‍යාපෘතියේ අධ්‍යක්ෂ කන්දයියා පද්මනාදන් මහතා විසින් රචනා කරන ලද කාව්‍ය ග්‍රන්ථ දහයක් එළි දැක්විම නිමිත්තෙන් බම්බලපිටිය සරස්වතී ශාලාවේ දී ඉකුත් ඉරිදා (13) පැවැති උත්සවය අමතමිනි.

මෙරට දෙමළ ජනතාවට බෙහෙවින් කියවීමට ලැබී ඇත්තේ ඉන්දියානු කතුවරුන් ලියා මෙහි ආනයනය කරන ලද දෙමළ සාහිත්‍ය පොත් බව සඳහන් කළ අමාත්‍යවරයා ශ්‍රී ලාංකික දෙමළ ලේඛකයන්ගේ පොත් මෙහිම ප්‍රකාශයට පත් කිරීමෙන් මෙරට සංස්කෘතිය හා දේශීයත්වය අගයන සාහිත්‍ය කෘති රස විඳීමට දෙමළ ජනතාවට අවස්ථාව උදාවන බව පෙන්වා දුන්නේය.

Read more ...