Latest News

min

අධ්‍යාපන අමාත්‍ය නීතීඥ අකිල විරාජ් කාරියවසම් මහතා “විද්වද්ජන ප්‍රසාදක” සම්මාන උපාධියෙන් පිදුම් ලබයි

ශ්‍රී ලංකා ප්‍රාචීන භාෂෝපකාර සමාගමේ 2012-2017 පණ්ඩිතෝපාධි පිරිනැමීම සඳහා නෙළුම් පොකුණ මහින්ද රාජපක්ෂ රඟහලේ අද (29) සවස පැවති උත්සවයේ දී අධ්‍යාපන අමාත්‍ය නීතීඥ අකිල විරාජ් කාරියවසම් මහතා “විද්වද්ජන ප්‍රසාදක” සම්මාන උපාධියෙන් පිදුම් ලැබුවේය.

මෙම සම්මාන උපාධිය අමාත්‍යවරයා වෙත පිරිනමා ඇත්තේ තිර අදිටනින් හා කැප වීමෙන් දැන උගත් දූ පුතුන් සමාජගත කරනු පිණිස සිදු කරන මෙහෙවර අගය කරනු පිණිසය.

ශ්‍රී ලංකා ප්‍රාචීන භාෂෝපකාර සමාගම මෙ‍ම උපාධි ප්‍රදානෝත්සවය පවත්වනු ලැබීය.

pracheena

ප්‍රාචීන පණ්ඩිත උපාධි ප්‍රදානෝත්සවය

ශ්‍රී ලංකා විභාග දෙපාර්තමේන්තුව මගින් 2012 වර්ෂයේ සිට 2017 දක්වා පවත්වන ලද ප්‍රාචීන පණ්ඩිත විභාගයෙන් සමත් 375 දෙනෙකු සඳහා ප්‍රාචීන පණ්ඩිත උපාධි පිරිනැමීමේ උත්සවය 2019 අගෝස්තු 29 වන දින නෙළුම්පොකුණ රඟහලේ දී පැවැත්වීමට නියමිතය.

එහිදී කෝට්ටේ ශ්‍රී කල්‍යාණි සාමග්‍රිධර්ම මහාසංඝ සභාවේ අනුනායක හා මහා ලේඛකාධිකාරී, කැළණිය විශ්වවිද්‍යාලයීය පාලි හා බෞද්ධ අධ්‍යයන පශ්චාත් උපාධි ආයතනයේ අධ්‍යක්ෂ මහාචාර්ය පූජ්‍ය කොටපිටියේ රාහුල අනුනාහිමිපාණන් වහන්සේ වෙත “සම්මාන පණ්ඩිත උපාධිය” ද අතිගරු ජනාධිපති මෛත්‍රීපාල සිරිසේන මැතිතුමාට “විද්වද් ජන ප්‍රසාදිනී” සම්මාන උපාධිය ද ගරු අධ්‍යාපන අමාත්‍ය අකිල විරාජ් කාරියවසම් මැතිතුමාට “විබුධ ජන ප්‍රසාදිනී” සම්මාන උපාධිය ද, ප්‍රාචීන පණ්ඩිත උපාධි පරීක්ෂණයෙන් 2012 වසරේ ප්‍රථම පන්ති සාමාර්ථ හිමිකර ගත් පූජ්‍ය මානාපිටියේ වජිරබුද්ධි ස්වාමීන් වහන්සේට “ස්වර්ණ මුද්‍රිකාව” පිරිනැමීමට ද නියමිතය.

 

paper

අ.පො.ස. (උ.පෙළ) විභාගය හා 5 ශ්‍රේණිය ශිෂ්‍යත්ව විභාගය පිළිතුරු පත් ඇගයීම - 2019 (1 අදියර)

පිළිතුරු පත් ඇගයීම හා තෙවන පාසල් වාරය සඳහා පාසල් විවෘත කිරීම- 

2019 අ.පො.ස. (උ.පෙළ) විභාගයේ පළමුවන අදියරේ ඇගයීම් මධ්‍යස්ථාන ලෙස සම්පූර්ණයෙන් ම යොදවා ගනු ලබන පහත නම් සඳහන් පාසල් 12 ක් තෙවන වාරය සඳහා 2019 සැප්තැම්බර් මස 16 වන සඳුදා විවෘත වන අතර අනෙකුත් සියලු ම රජයේ හා රජයේ අනුමත පෞද්ගලික පාසල් තෙවන වාරය සඳහා 2019 සැප්තැම්බර් මස 02 වන සඳුදා විවෘත වේ.

 

Read more ...

caff

‘ප්‍රමිතියෙන් තොරව පවත්වාගෙන යන පාසල් ආපන ශාලා සම්බන්ධයෙන් දැඩි පියවර’…

පාසල් දරුවන්ගේ කායික හා මානසික සංවර්ධනය සම්බන්ධයෙන් මෑතකාලීන ව සිදුකළ අධ්‍යයන තුළින් අනාවරණය වී ඇත්තේ ඔවුන් විවිධ පෝෂණ ගැටළුවලට ගොදුරු වී සිටින බවයි. මේ සඳහා දරුවන් වැරදි ආහාර පුරුදුවලට හුරුව සිටීම මීට බලපා ඇති ප්‍රධාන හේතුවක් ලෙස තහවුරු වී ඇත.

එමෙන් ම කෘෂ බව, ස්ථුලතාව, මිටි බව, අධිබර, වැනි පෝෂණ ගැටළු රැසකට දරුවන් ගොදුරුවීමට ද, ඒ නිසා හෘද රෝග, දියවැඩියාව, පිළිකා වැනි බෝ නොවන රෝග සහ දන්ත රෝග වැනි වෙනත් ආබාධ වැළඳීමේ අවදානමකට දරුවන් ලක්වීමට ද වැරදි ආහාර පුරුදු බලපා ඇති බව හෙළි වී තිබේ. මේ තත්ත්වය සැලකිල්ලට ගෙන නිවැරදි ආහාර පුරුදුවලට දරුවන් යොමු කළ හැකි අයුරින් පාසල් ආපන ශාලා පවත්වාගෙන යාම සම්බන්ධ ව අවශ්‍ය ක්‍රියාමාර්ග ගන්නා ලෙස අධ්‍යාපන අමාත්‍ය අකිල විරාජ් කාරියවසම් මහතා විසින් නිලධාරීන් වෙත උපදෙස් ලබා දෙන ලදී.

Read more ...

su sin

සුරක්ෂා රක්ෂණයෙන් සිසුන් 23,800කට රුපියල් මිලියන 1,150කට ආසන්න ප්‍රතිලාභ ලබා දී අවසන්

නිදහස් අධ්‍යාපන අවස්ථා තවදුරටත් පුළුල් කරමින්, දරුවන්ගේ සෞඛ්‍යාරක්ෂාව තහවුරුකිරීමේ පරමාර්ථයෙන්, දිවයිනේ සියලුම ජාතික සහ පළාත් පාසල්, පෞද්ගලික පාසල් හා ජාත්‍යන්තර පාසල් සහ පිරිවෙන්වල අධ්‍යාපනය ලබන සියලු ම සිසුන් සඳහා වත්මන් රජය විසින් නොමිලේ ලබාදෙන සුරක්ෂා සිසු රක්ෂණාවරණයේ ප්‍රතිලාභ ලබා දීම මේ වනවිට වේගවත් ව ක්‍රියාවට නැංවෙමින් පවතී. ඒ අනුව මේ වනවිට  සුරක්ෂා රක්ෂණ ප්‍රතිලාභ සඳහා හිමිකම් ලැබූ සිසුන් සංඛ්‍යාව 23,800ක් වන අතර, රුපියල් මිලියන 1,150/- ක් ප්‍රතිලාභ මුදලක් මේ වනවිට ගෙවා අවසන් ව තිබේ. මේ අතර සිසු හාදෙමව්පිය මරණ 4,000ක් සහ රෝහල්ගතවීම් 19,500ක් ද මීට ඇතුළත් ය.

ඉතිහාසයේ පළමුවරට ශ්‍රී ලංකාවේ සියලු ම පාසල් දරුවන් එකවර රක්ෂණය කරමින් ක්‍රියාත්මක වන සුරක්ෂා රක්ෂණ වැඩපිළිවෙළ මගින් දරුවන්ගේ රෝගාබාධ, හදිසි අනතුරු හා විපත් හමුවේ දෙමව්පියන්ටත්, දෙමව්පියන් අහිමිවීමක දී දරුවන්ටත් දරන්නට වන ආර්ථික පිරිවැය රජය විසින් පවරාගෙන සිටින අතර, දිවයින පුරා විසිර සිටින, විවිධ ආර්ථික මට්ටම්වල පසුවන ඕනෑම මව්පියෙකුට දරුවන්ගේ අසනීප තත්වයන් හමුවේ ඉතා පහසුවෙන් අවශ්‍ය පූර්ණ ප්‍රතිකාර වෙත යොමුවන්නට ද මෙම රක්ෂණාවරණ වැඩපිළිවෙළ හරහා ඉඩප්‍රස්ථා සලසා තිබේ.

Read more ...

3K1A7961

‘ළමා නිවාසවල සිටින දරුවන් ජාතික පාසල්වලට ඇතුළත් කරගෙන ඔවුන් මව්පියන් අහිමිවූවන් සේ නොසලකා සමානත්වයෙන් සලකන්න’ - අධ්‍යාපන අමාත්‍යාංශයෙන් ජාතික පාසල්වලට උපදෙස්..

ශ්‍රී ලංකාවේ සියලු දරුවන්ගේ අධ්‍යාපනය ලැබීමේ සම අයිතිය තහවුරු කරමින් ළමා නිවාසවල දරුවන්ට ද ආසන්නත ම ජාතික පාසලට ඇතුළත් වීමට අවස්ථාව ලබාදීමට කටයුතු කරන ලෙස අධ්‍යාපන අමාත්‍ය නීතීඥ අකිල විරාජ් කාරියවසම් මැතිතුමා පසුගිය දා නිලධාරීන්ට උපදෙස් ලබා දී තිබේ. එමෙන් ම එසේ ඇතුළත් කරගන්නා දරුවන්ට ද සෙසු දරුවන්ට මෙන් සමානත්වයෙන් සැලකීමට පියවරගත යුතු බව ද අමාත්‍යවරයා අවධාරණය කර ඇත.

ඒ අනුව, රජයේ ලියාපදිංචි වී ඇති ළමා නිවාසවල සිටින දෙමව්පියන් අහිමි දරුවන්ට ළඟම පිහිටි ජාතික පාසලට ඇතුළත් වීම සඳහා අවස්ථාව ලබාදෙන ලෙස අධ්‍යාපන අමාත්‍යාංශය විසින් 2019-07-31 දිනැති අංක 38/2019 දරන චක්‍රලේඛය මගින් සියලු ම ජාතික පාසල්වල විදුහල්පතිවරුන් වෙත දැනුම් දී ඇත.

Read more ...

aa

අධ්‍යාපනයේ සේවා තුනක නිලධාරීන් ට විශ්‍රාම ගැනීම සඳහා අවසර දීමේ බලය අධ්‍යාපන අමාත්‍යාංශයට පැවරේ

ශ්‍රී ලංකා අධ්‍යාපන පරිපාලන සේවය, ශ්‍රී ලංකා ගුරු අධ්‍යාපනඥ සේවය හා ශ්‍රී ලංකා විදුහල්පති සේවය යන සේවා තුනෙහි නිලධාරීන්ට විශ්‍රාම ලබා ගැනීම සඳහා අවසරදීමට තමන් සතුව පැවැති බලය, රාජ්‍ය සේවා කොමිසම විසින් අධ්‍යාපන අමාත්‍යාංශයේ ලේකම්වරයා වෙත පවරනු ලබයි.

සියලු ලිපි ලේඛන සහිත ව ඉදිරිපත් කරන ලද විශ්‍රාම ලිපි ගොනුවලට පවා අවසර ලබාදීමේ දී සිදු වූ අපහසුතා හේතුවෙන් ඇතැම් නිලධාරීන් මාස ගණනක් විශ්‍රාම වැටුප ලබා ගැනීමට ප්‍රමාද වූ බවට අමාත්‍යාංශය වෙත දැනුම් දී තිබිණි. ඒ අනුව අධ්‍යාපන අමාත්‍ය නීතිඥ අකිල විරාජ් කාරියවසම් මහතාගේ උපදෙස් පරිදි අමාත්‍යාංශය රාජ්‍ය සේවා කොමිසමෙන් කරන ලද ඉල්ලීම් සඳහා ප්‍රතිචාර වශයෙන් මෙම බලය පැවරීම සිදු කර ඇත.

Read more ...

science

ප්‍රායෝගික ක්‍රියාකාරකම්වලට වැඩි ඉඩක් සලසමින් පාසල් විද්‍යා විෂය මාලාව වෙනස් වේ.

නූතන ලෝකයට ගැ‍ළපෙන, නව දැනුම සහ කුසලතා සමඟ සංවර්ධනය වන දක්ෂ දරුවන් අධ්‍යාපනයෙන් බිහිකිරීමට හැකිවන අයුරින් පාසල් විෂය මාලාව සකස් කිරීම වෙනුවෙන් නිවැරදි පියවර ගන්නා ලෙස අධ්‍යාපන අමාත්‍ය, නීතීඥ අකිල විරාජ් කාරියවසම් මහතා නිලධාරීන් වෙත උපදෙස් ලබා දී තිබේ.

ඒ අනුව 2023 වර්ෂයේ දී ක්‍රියාත්මක වීමට නියමිත නව විෂය මාලා සංශෝධන යටතේ පාසල් විද්‍යා විෂය මාලාව තුළ මෙතෙක් පැවති ක්‍රමය වෙනුවට පර්යේෂණ මත පදනම් වූ විද්‍යා අධ්‍යාපන ක්‍රමවේදයක් හඳුන්වාදීමට අධ්‍යාපන අමාත්‍යාංශය පියවර ගෙන ඇත.

අධ්‍යාපන අමාත්‍යාංශයත්, ජාතික අධ්‍යාපන ආයතනයත්, ජාතික විද්‍යාභීවර්ධන සංගමයත් එක්ව මෙම පර්යේෂණාත්මක ප්‍රවේශයකින් යුත් නව විෂය මාලාව, විද්‍යා විෂය සඳහා හඳුන්වා දීමට මේ වනවිට අවශ්‍ය පියවර ගෙන ඇත.

Read more ...

13 yrs

13 වසරක සහතික කළ අධ්‍යාපන වැඩසටහන යටතේ වෘත්තීය පුහුණුව ලබන සිසුන්ට රැකියා ලබා දීම සඳහා ප්‍රධාන පෙළේ විවිධ සමාගම්වලින් දැනට ම ඉල්ලීම්. - අධ්‍යාපන අමාත්‍ය, නීතිඥ අකිල විරාජ් කාරියවසම්

දහතුන් වසරක සහතික කළ අධ්‍යාපන වැඩසටහන යටතේ වෘත්තීය පුහුණුව ලබන සිසුන්ට පාසල් අධ්‍යාපනය අවසන් කිරීමටත් පෙර ප්‍රධාන පෙළේ විවිධ සමාගම්වලින් රැකියා ලබාදීමට දැනට ම ඉල්ලීම් ලැබී ඇති බව අධ්‍යාපන අමාත්‍ය, නීතිඥ අකිල විරාජ් කාරියවසම් මහතා පවසයි.

අමාත්‍යවරයා එසේ පැවසුවේ ජාතික හා පළාත් පාසල්වල දහතුන් වසරක සහතික කරන ලද අධ්‍යාපන වැඩසටහන යටතේ වෘත්තීය විෂයයන් සඳහා සිංහල හා දෙමළ මාධ්‍ය ගුරු පුරප්පාඩු වෙනුවෙන් උපාධිධාරීන් 226 දෙනෙකුට පත්වීම් ප්‍රදානය කිරීමට අධ්‍යාපන අමාත්‍යාංශ ශ්‍රවණාගාරයේ දී පසුගියදා (21) පැවති උත්සවය අමතමිනි.

Read more ...

calculator-tax

ආදායම් බදු ගෙවන්නන්ගේ දරුවන් ජාතික පාසල්වල පළමු ශ්‍රේණියට ඇතුළත් කිරීමට විශේෂ අවස්ථාවක් ලබාදීම සඳහා අවධානය

රජයට ආදායම් බදු ගෙවන පුද්ගලයන් දිරි ගැන්වීම පිණිස ඔවුන්ගේ දරුවන් ජාතික පාසල්වල පළමුවැනි ශ්‍රේණියට ඇතුළත් කර ගැනීම සඳහා විශේෂ අවස්ථාවක් ලබාදීමට අධ්‍යාපන අමාත්‍යාංශය අවධානය යොමු කරයි.

රටේ ජාතික ආදායම වර්ධනය කිරීම සඳහා රජයට නොමසුරුව ආදායම් බදු ගෙවන්නන්ගෙන් ලැබෙන දායකත්වය ඇගයීම හා දිරි ගැන්වීම, මෙවැනි අවස්ථාවක් ලබාදීමේ ප්‍රධාන අරමුණ බව අධ්‍යාපන අමාත්‍ය නීතිඥ අකිල විරාජ් කාරියවසම් මහතා පවසයි.

මෙම දරුවන් ඇතුළත් කිරීම සඳහා අවශ්‍ය නිර්නායක සකස් කිරීමේ දී දේශීය ආදායම් බදු දෙපාර්තමේන්තුවේ සහයෝගය ලබා ගන්නා බව ද අමාත්‍යවරයා කියයි.


අධ්‍යාපන අමාත්‍යාංශයේ දී අමාත්‍යවරයාගේ ප්‍රධානත්වයෙන් ඊයේ (20) මේ වැඩපිළිවෙල සම්බන්ධ මූලික සාකච්ඡාවක් පැවැත්විණි. ඒ සඳහා දේශීය ආදායම් කොමසාරිස් ජනරාල් නඳුන් ගුරුගේ මහතා ප්‍රමුඛ දෙපාර්තමේන්තුවේ නිලධාරීන් පිරිසක් ද සහභාගි වූහ.